اسلام آباد 26 فروري (اے پي پي) اميرالبحر اېډمرل ظفر محمود عباسي د كرېكس پشان د پېچلې سيمې د امنيت په اړه د اقداماتو ستائنه كولو سره وئيلي دي چې پاك بحريه د هر ډول جارحيت ځواب وركولو لپاره هر وخت تياره ده. ده دا خبرې د سي پارك 2020 په مهال د مشق د كمانډ سنټر د دورې كولو په مهال په خپلو خبرو كښې وكړې. د پاك بحريه وياند له مخې كمانډر كراچي وائس اېډمرل زاهد الياس كمانډ سنټر ته په راتګ د بحريه د مشر هركلې وكړو او امير البحر ته ئې بريفنګ وركړو. د دې نه پس د پاك بحريه مشر د كرېكس ايريا او د وړاندې مورچو دوره وكړه. د دورې مقصد د مشق سي سپارك په تناظر كښې د آپرېشنل تيارې او د كوسټل كمانډ د آپرېشنل پلانز جاج اخستل و. شاه بندر ته په راتګ د كوسټ كمانډ وائس اېډمرل فېصل رسول لودهي د پاك بحريه مشر هركلې وكړو. د پاك بحريه مشر ته د سي سپارك په مهال د آپرېشنل چارو او د اثاثو د تعيناتې په اړه تفصيلي بريفنګ وركړے شو. امير البحر د كريكس پشان په پېچلې سيمه كښې د امنيت په اړه اقدامات وستائيل او وې وئيل چې پاك بحريه د هر ډول جارحيت ځواب وركولو لپاره هر وخت تياره ده. د دورې په مهال د پاك بحريه مشر په كريكس اېريا كښې په ځائ افسرانو او ځوانانو سره ملاقات وكړو ا و د دوي د عزم ئې ستائنه وكړه.
