اسلام آباد ۔ 21 اپرېل (اے پی پی) د كشمير او ګلګت بلتستان چارو وفاقي وزير علي امين خان ګنډا پور وئيلي دي نړۍ دې هند كښې د زياتېدونكې انتها خوښۍ نوټس واخلي۔ د هندو انتها خوښۍ له امله د كروړونو په شمېر مسلمانانو ژوند خطر سره مخ دے۔ د نهې په ورځ خپل بيان كښې ده ووئيل هند د كورونا وائرس په بهانه مقبوضه كشمير كښې خطرناكه لوبه كوي۔ هند د مقبوضه كشمير د ډېموګرافي بدلولو هڅه كوي۔ ده ووئيل هند د كورونا وائرس وباﺀ په ځاے د مسلمانانو او كشميري اولس په ضد جنګ كښې بوخت دے۔ هند كښې تش د نامې سېكولرازم دفن شوے ۔ علی امین ګنډا پور ووئيل هندو انتها خوښې فاشسټ هند به د ګردې نړۍ امن له خطرناك ثابت شي۔ ده ووئيل هند له به كشميري اولس له د خپلواكۍ حق وركول وي۔
