اسلام آباد 13 جولائي (اے پي پي) د بشري حقونو وفاقي وزيرې ډاكټر شرين مزاري وئيلي دي د فاشټ مودي د لاسه كشميريان د هند بدتره رياستي بربريت سره مخ دي، د جولائي په 13مه نېټه كال 1931م كښې د واكمنو د ظلمونو په ضد او د آزادي ترلاسه كولو لپاره چې 22 كشميريانو شهيدانو كوم غږ پورته كړے ؤ هغه نن هم اورېدلے كېږي، زه د كشميري اولس عزم او بهادرۍ ته سلام كوم. د ګل په ورځ د كشمير د شهيدانو ورځې په موقع په ټويټر جاري خپل بيان كښې ډاكټر شېرين مزاري ووئيل د جولائي په 13مه نېټه كال 1931م كښې هغه 22 كشميريان شهيدان كړے شوي وو كومو چې د واكمنو د ظلمونو او آزادي ترلاسه كولو لپاره غږ پورته كړے ؤ. د هغه وخت نه د كشمريانو نسلونو د هندوستان د غېر قانوني قبضې څخه آزادې لپاره خپلې هڅې روانې ساتلي او د زرګونو په شمېر كسان شهيدان شوي . هغې ووئيل د كشميريانو دا هڅې نن هم روانې دي او د فاشسټ مودي د لاسه كشميريان د هند بدتره رياستي بربريت سره مخ دي. شېرين مزاري ووئيل د نړيوال قوانين او د څلورم جنېوا كنونشن خلاف ورزۍ سره د مقبوضه سيمې د آبادۍ تناسب بدلولو له هڅه كیږي . زه د كشميري اولس عزم او بهادرې ته سلام كوم.
