اسلام آباد 27 جولائی (اے پی پی) وزیرِاعظم عمران خان هيواد كښې د اوړو او چينو په زيات مقدار په مناسبه بيعه شتون باوري كولو او د ذخیرہ اندوزۍ كوونكو كسانو په ضد کاروائي د لا تندولو سپارښتنه كولو سره وئيلي دي د غنمو او اوړو بيعه په ټول هيواد كښې يو برابر كچې ته راوستلو له په مشاورت تګلاره خپله کړئ، د شوګر ملز د اړخه د کرشنګ په عمل كښې بايد كوم تاخير ونه كړے شي، د حاجت په وخت د چینو درآمد کولو په اړه هم منصوبه بندی او انتظامات بشپړ كړئ۔ ده د ګل په ورځ هيواد كښې د غنمو او چينو صورتحال په اړه د جاج اخستو غونډې مشري كوله۔د وزیر اعظم آفس میډیا ونګ له مخې په غونډه كښې وفاقی وزيران محمد حماد اظهر، سېنېټر سید شبلی فراز، د خزانې صلاحكار ډاکټر عبدالحفیظ شیخ، عبدالرزاق داوَد، خاص مرستيال لیفټنټ جنرل (ر) عاصم سلیم باجوہ، د اړوندو وزارتونو وفاقی سیکرټريز ګډون كولو ۔دغسې چیف سیکرټريز د ويډيو لنك د لارې غونډه كښې كډون كولو۔ غونډې هيواد كښې د غنمو او چينو شته والي صورتحال ا سره د بيعو تفصیلی جاج واخستلو۔ د غنمو شته والي صورتحال په اړه غونډې ته ووئيل شول د پنجاب حکومت د اړخه د ورځې په بنياد 15 زره میټرك ټنه څخه زيات غنم فلورز ملز ته سپلائی كيږي۔ د خیبرپختونښواہ چیف سیکرټريز ووئيل صوبائی حکومت پاسکو څخه 80 زره میټرك ټنه غنم ترلاسه كړي دغسې نور يو لکهه میټرك ټنه لپاره لوظنامه شوې ۔ وزیرِ اعظم ته ووئيل شول په سرکاری توګه د غنمو ریلیز سره چې چرته د شته والې صورتحال ښه شوے هلته په بيعو هم مثبت اثر پريوتے ۔ د غنمو ذخیرہ اندوزۍ كښې د ككړو كسانو په ضد تر اوسه د شوې کاروائی رپورټ هم وزیرِ اعظم ته وړاندې كړے شو۔ په غونډه كښې د سرکاري او نجی څانګې د اړخه 15 لكهه میټرك ټنه غنم درآمد په اړه د پیرفت جاج هم واخستلے شو۔ وزیرِ اعظم غونډې ته ووئيل اوړه د اولس بنيادي ضرورت دے د دې شته والې او مناسبه بيعه باوري كړئ۔ مارکیټ كښې د غنمو زيات مقدار باوري كولو له وزیرِ اعظم ووئيل نجی څانګې سره سره په سرکاری توګه د غنمو درآمد عمل دې هم تند كړے شي۔ وزیرِ اعظم چیف سیکرتريز ته سپارښتنه وكړه د غنمو په ذخیرہ اندوزۍ كښې د ككړو كسانو په ضد کاروائی لا تنده كړئ۔ ده ووئيل د غنمو او اوړو بيعه هيواد كښې يو برابر كولو له ټول چيف سيكرتريز دې په مشاورت تګلاره خپله كړي۔په غونډه كښې په هيواد كښې د چينو موجود پانګو ، د هيواد موجوده او د سباؤن حاجت پوره كولو له په تګلاره غور وكړے شو۔ وزیرِ اعظم سپارښتنه وكړه د چينو په زيات مقدار شته والے او مناسب بيعه باوري كولو ته پام لرنه وكړئ۔ ده سپارښتنه وكړه چې دا خبره هم باوري كړئ چې د شوګر ملز د اړخه د کرشنګ عمل په وخت پيل كړے شي او په دې لړ كښې هيڅ تاخير ونه كړے شي۔ دغسې د حاجت په وخت د درآمد په اړه هم منصوبه بندی او انتظامات بشپړ كړئ
