اسلام آباد 13 اګست (اے پي پي) د منصوبه بندې، پرمختګ او اصلاحات وفاقي وزير اسد عمر وئيلي دي سږ كال د اګست 14مه نېټه په داسې موقع راغلې كله چې نړۍ د تېرې پېړې تر ټولو لوي بحران سره مخ ده، پاكستان چې څنګه د دې بحران مقابله كوي، دا نړۍ لپاره يو مثال دے، د ټول پاكستان خلق د آزادې ورځې سره يوه جذباتي رشته لري، پاكستانې قوم په يووالي د هر ډول صورتحال مقابله كولې شي. ده دا خبرې د آزادې ورځې په اړه په خپل پېغام كښې كړي. ده ووئيل سږ كال د اګست 14مه نېټه په داسې موقع راغلې كله چې نړۍ د تېرې پېړې تر ټولو نه لوي بحران سره مخ ده، پاكستان چې څنګه د دې بحران مقابله كوي، دا نړۍ لپاره يو مثال دے. ده ووئيل د كورونا وائرس د وبا په ضد د پاكستان د اقداماتو ستائنه د ملګرو ملتونو د عمومي اسمبلۍ صدر هم كړې چا چې وئيلي دي نور هېوادونه د پاكستان نه ډېر څه زده كولې شي. اسد عمر ووئيل دا صورتحال د دې خبرې عكاسي كوي چې پاكستانے قوم په يووالي د سخت صورتحال مقابله كولې شي
