ملګري ملتونه 02 ستمبر (اے پي پي) وزیراعظم عمران خان به د ستمبر په 25مه نيټه د ملګرو ملتونو د عمومي اسمبلۍ 75مې غونډې ته د وېډيو لنك د لارې وېنا كوي٬ دا خبره په باضابطه توګه د جاري شوي مقررينو په وړومبي فهرست كښې شوې ٬ د ملګرو ملتونو په 193 كسيزه عمومي اسمبلۍ كښې به د لوړې كچې عمومي بحث په 22م ستمبر پېل كېږي او وزیراعظم عمران خان به په 25م ستمبر د ماسپخښين غونډې ته په شپږم لمبر عمومي اسمبلۍ ته وېنا كوي، د کرونا وائرس په سوب به سړ كال نړيوال مشران د وېډيو لنك د لارې عمومي اسمبلۍ ته وېنا كوي۔ ملګرو ملتونو كښې د پاكستان سفير منیر اکرم په نيويارك كښې “اے پي پي سره په خبرو كښې ووئيل هيله ده چې عمران خان به يو ځل بيا په ملګرو ملتونو كښې د كشميريانو د خپلواكۍ حق لپاره بشپړه غږ پورته كوي او هندي ظلمونه په ډاګه كوي۔ ده ووئيل وزیراعظم به د ملګرو ملتونو د عمومي اسمبلۍ غونډه كښې د وېنا په مهال د پاكستان په افغانستان كښې امن لپاره د روغې جوړې په كردار، د امن په خواهش، د كرونا وائرس په بحران د كامياب غبرګون، پرمختګ كوٶنكو هېوادونو لپاره د قرض خلاصي او په نورو نړيوالو چارو هم خبرې كوي۔ د هند وزيراعظم به د پاکستان عمران خان وېنا نه پس په 26م ستمبر غونډې ته وېنا كوي۔ د امريكې اولس مشر ټرمپ به په 22م ستمبر د عمومي اسمبلۍ غونډې ته وېنا كوي۔ د ملګرو ملتونو د عمومي اسمبلۍ غونډه به تر 29م ستمبر دوام لري ۔ د 15 دقيقو دا وېناګانې به د عمومي اسمبلۍ په هال كښې وړاندې كولې شي او د غونډې په مهال به هال خالي نه وي بلكې دا وېډيوز به د هر هېواد د نمائنده د لارې وړاندې كولې شي څوك چې به هلته موجود وي او هم دا طريقه كار به د لوړې كچې په غونډو كښې خپلولې شي چې پكښې به د ملګرو ملتونو 75م تاسيس ورځ٬ په حياتياتي تنوقع كنفرنس او د اتومي وسلو بشپړه خاتمې نړيوالې ورځې په اړه غونډې هم شاملې وي۔ د ملګرو ملتونو د عمومي اسمبلۍ د كلنې غونډې نه وړاندې سفیر منیر اکرم د عمومي اسمبلۍ نوي ټاكلي صدر وولکان بوزکر سره د اګست په 21مه نيټه ملاقات كړے ٶ چې پكښې د غونډې په اېجنډا خبرې شوې وې۔ د يادونې وړ ده تركيه څخه تعلق لرونكې سينئر سفير وولكان بوزكر به د ستمبر په 15مه نيټه د عمومي اسمبلۍ د نوي صدر زمه وارۍ سنبهالوي
