لاھور۔3اکتوبر (اے پی پی) د وزيراعظم خصوصي مرستيال ډاکټر شهباز ګل وئیلي دي چې پوځ د هیواد د سولې ، ثبات او امنیت تضمین کوي ، زمونږ پوځ د هیڅ سم کار څخه نه منع کوي. كه مونږ كومه نېګړتياوي لرؤ نو د هغې ملبه په پوځ غورځېدلے نه شي۔ نواز شریف تل له پوځ سره شخړه کړې ځکه چې پوځ هغه يوازينۍ اداره ده كومه چې نوازشریف نه د ملي ګټو په ضد د كړنې پوښتنې کوي. زه نواز شریف د هیواد دښمن نه بولم بلکه هغه یو لالچی سوداګر دے چې د پیسو لپاره د را ایجنټ جوړېږي۔ دوی نه پوهیږي چې د نواز شریف وینا څنګه راتلونکو ورځو كښې هېواد دښمنه قوتونه او هند کارولې شي. عاصم سلیم باجوه د نواز شریف د سترګو ازغې ځكه دے چې هغه کلبھوشن نیولے و. په حنرال عاصم (ر) سليم باجوه چې كوم تورونه لګېدلې وو هغه د هغې تحريري ځواب وركړے دے۔ او حكومت د هغه د ځواب نه مطمئن دے۔ كه څوك اعتراض لري نو عدالت ته دې لاړ شي۔ که نواز شریف اداكاري كولې نو زياته پېسه ئې ګټلې شوه۔ ده د خالي په ورځ پرېس انفارمېشن ډيپارټمنټ كښې يو خبري كنفرنس ته خطاب كولو۔ ډاکټر شهباز ګل ووئیل چې مسلم لیګ (ن) یو سازشی لیګ جور شوے دے۔ له نواز شریف څخه هیڅ سیاسي خطر نشته ، د مسلم لیګ (ن) د مشر خبرې به په راتلونکي وخت كښې پاکستان ته زیان ورسوي ، متنازعه بیانونه به د هیواد دښمنان د خپلو ناوړه اهدافو لپاره وکاروي. هغه غواړي چې په كرپشن هغه نه څوك تپوس پوښتنه ونه كړي۔ ده ووئيل عدالتونو نواز شريف مجرم ګرځولے دے۔ د ليګي مشر ورور په 4 اوونو كښې د هغه د بېرته راتلو ضمانت اخستے وو او هغه په خپله د ضمانت خواست بېرته واخست۔ شریف كورنۍ پراپېګنډا وكړه چې حكومت د هغوي ضمانتونه منسوخ كړل۔ ده ووئيل زما دريځ دا وو چې نواز شريف ته دې د تقرير موقعه ورنكړے شي۔ 10 مياشتې وروستو به معلومه شي چې د نواز شريف تقرير څه نقصان وكړو۔ خصوصي مرستيال ووئيل د پټھان كوټ پېښه رامخې ته شوه نو جندال هغه بيان وركړو كومه چې د نواز شريف بيانيه ده۔ نواز شريف هندي وزيراعظم سره په ګټھمنډو كښې پټ ملاقات كړې۔ نواز شریف دې ووایی چې ولې مودی سره په رائېوېنډ كښې ملاقات كښې د دفاعي ادارو اهلكارو ته رسنه ورنه كړې شوه۔ نواز شریف د مودی لخوا ورکړل شوی د سور رنګ پګ اغوستلو سره مودی ته د اخلاص پیغام واستولو.مودی ټویټ وكړو چې هغه د لاهور په هوایی ډګر د نواز شریف د استقبال څخه ډېر تاثیر شوے، تاسو څنګه مودي خپل کور ته رابلئ ۔ شهباز ګل وویل چې نواز شریف نن د دموکراسۍ اتل جوړېږي ۔ په ډان ليكس غصه شو نو پروېز رشيد ئې فارغ كړو۔ تسنيم اسلم ئې د هند په ضد بيانونو وركولو نه منع كړو۔ نواز شريف دې په ادارو تورونه لګول بند كړي او د اثاثو ځواب دې وركړي۔ ده ووئيل چاته شك نشته چې هند پاكستان ماتول غواړي۔ شک نشته چې هندوستان د پولې په اوږدو کې د پاکستان په ضد فعال دے۔ هند تل د پاکستان د زیان لیدو په تكل کښې دی.دغه خصوصي مرستيال ووئیل چې مونږ د نواز شریف د نهې په ورځ لندن كښې په سفارتخانې كښې د شوي ملاقات په اړه علم لرؤ۔ هرڅوک پوهېږي چې پنجاب كښې انفارمېشن سسټم څنګه كارولې شي۔ کله چې کلبھوشن ونیول شو ، نو د هغه له خولې څخه د كلبھوشن نوم هم نه و راپورته شوې. پرویز رشید څنګه پرېس كنفرنس وكړو ټولو ته معلومه ده۔ خدائے لپاره د هند ايجنډا مخ په وړاندې مه بيايۍ۔ هغه ووئیل چې دښمنان غواړي چې د پاكستان ادارې متنازعه او كمزورې كړي۔ هغه ووئيل پاکستاني ځواکونه په هیواد کښې د سولې ، ثبات او امنیت تضمین دي. د كورونا ٬ ملاخانو او سېلاب په شمول په هر يو چېلنج كښې پوځ د حكومت مرسته كړی۔ خصوصي مرستيال ووئيل د نواز شريف پېسه ونيولې شوه بايد د هغې ځواب وكړي۔ ته كه الطاف حسېن جوړېږے مونږ هېڅ پراوه نه لرؤ۔ ده وئيل كه د نون ليګ اېم پي اے مونږ له راځي او خپله حلقه كښې د كار لپاره رابطه كوي نو دا د دوئي حق دے۔ كله چې زه پنجاب كښې ووم نو د نون ليګ د پنجاب اسمبلۍ 32 غړو ماسره رابطه كړې وه۔ ده ووئيل پېمرا زمونږ په وېنا نه بلكې د يو وګړي عدالت ته په تلو د نواز شريف تقرر نشر كېدو نه منع كړے وو۔ ده ووئيل په سوشل ميډيا به پاكستانې اولس د هغه علاج په خپله وكړي لكه څنګه چې ئې د الطاف حسېن كړے دے۔
