اسلام آباد۔06اکتوبر (اے پی پی) نېشنل کمانډ اېنډ آپرېشن سنټر (اېن سی او سی) د كورونا وېروس په اړه تازه شمېرې جاري كړې چې له مخې ئې د تېرو 24 ساعتونو په مهال روغتونونو كښې د وېروس 467 نوې كېسونه رامخې ته شوي او ددې له امله 6 ناروغان مړه شوي دي۔ په تېرو 24 ساعتونو كښې د كورونا وېروس 28 زره 280 ټېسټونه وكړې شول۔ آزاد كشمير او بلوچستان كښې د كورونا وېروس كوم رنځور په وېنټي لېټر نشته۔ ګرد هېواد كښې د كورونا وېروس لپاره په بېل كړې شويو 1 زر 912 وېنټی لېټرز د كورونا 86 رنځوران دي۔ ګرد هېواد كښې د وېروس اېكټو كېسونو شمېره 8588 ده۔ د ځپليو شمېره 3 لکھ 15 زره 727 ته رسېدلې ده كومو كښې چې د آزاد کشمیر 2 زره 874, بلوچستان 15 زره 420, ګلګت بلتستان 3 زره 857، اسلام آباد 16 زره 845, خېبر پختونخوا 38 زره 105، پنجاب 1 لک 33 او د سندھ 1 لک 38 زره 593 رنځوران شامل دي۔ د كوورنا وائرس څخه د روغ شويو شمېره 3 لکھ 616 ته رسېدلې ده۔ تر دې دمه ګرد هېواد كښې ددې وېروس د لاسه 6 زره 523 كسان مړه شوي دي۔ په مجموعي توګھ ګرد هېواد كښې د كورونا وېروس 37 لکھ 2 زره 607 ټېسټونه شوي دي۔ د كورونا درملنو له خاص كړې شويو د ګرد هېواد 735 روغتونونو كښې د 793 رنځورانو درملنې روانې دي۔
