اسلام آباد 03 مارچ (اے پي پي) د وزيراعظم د كورنيو چارو او احتساب صلاحكار بېرسټر شهزاد اكبر وئېلي دي چې د عدم اعتماد خبره د اپوزېشن خام خيالي ده٬كه د كوم هم سياسي ګوند په اسمبلو كښې د نمائندګۍ نه زياته نتيجه راشي نو دا يوه سواليه نشان دے٬كه د اخلاقياتو خبره وي نو يوسف رضا ګېلاني د سېنېټ په ټاكنو كښې كانديد هم نه و پكار۔د سياسي ګوندونو د غړو ترمينځه د رائې اختلاف هم د جمهوري عمل برخه ده۔د پي ټي آئي كانديدې فوزيه ارشد اكثريت سره كاميابي ترلاسه كړی۔ده دا خبرې د شورو په ورځ د نجي ټي وي په پروګرام كښې د خپلو خبرو په مهال وكړې۔ده ووئيل چې مونږ د يوسف رضا ګېلاني د زامنو په اړه ځينې وېډيوګانې هم ليدلې دي چې پكښې د دوي د ټاكنو د كمپائن طريقې لېدل كېدې شوې۔زما په خيال دوي د دې طريقې نه زيات كردار ترسره كړی٬دا معامله به كتلې شي خو دا قطا ًد عدم اعتماد څرګندونه نه ده٬په دې لړ كښې په اپوزېشن خپل شوق پوره كول غواړي نو دوي دې ضرور خپل شوق پوره كړي
