اسلام آباد 12 مارچ (اے پی پی) وزيراعظم عمران خان سپارښتنه كړې چې تر راتلونكو څو مياشتو د ګېس په بېعه كښې زياتوالے ونه كړئ، د غنمو ضروريات تر مخه د حكومتي او نجي څانګې لخوا دې په سباٶن كښې د غنمو د درآمد پرېكړې په وخت وكړې شي ۔ په دې مهال وزيراعظم ته وئيلي شوي چې په رمضان كښې د 7 اربه روپو د پكېج منظوري وركړې شوې. ده دا خبرې ده جمعې په ورځ د اوړو، چينو او د ضرورت نورو څيزونو د بېعې جاج اخستنې غونډې مشري كولو په مهال وكړې. په غونډه كښې وفاقي وزيرانو مخدوم خسرو بختیار، ډاکټر عبدالحفیظ شیېخ، محمد حماد اظهر، سید فخر امام، عمر ایوب، اسد عمر ، خاص مرستيالانو ندیم بابر، ډاکټر وقار مسعود، تابش ګوهر، د خزانې پخواني وزير شوكت ترين، وفاقي سېكرترانو او نورو اعلٰی چارواكو ګډون وكړو. په غونډه كښې د ضرورت د بنيادي څيزونو او په خاص توګه د ووړو په بېعه كښې د استحكام، د چينې په اوسنې بېعه كښې د كمي په اقداماتو او د ګاز او پټرول بېعو په معاملو غور وكړے شو. وزيراعظم د حكومت معاشي ډلې ته هدايت وكړو چې د حكومت لخوا د هدفي سبسډي سكيم معرفي كولو پورې د ووړو په بېعو كښې استحكام باوري كړئ. وزيراعظم عمران خان ووئيل غريبانانو لپاره د ووړو په اړه نېغ په نېغه سبسډي وركولو لپاره مفصل پروګرام معرفي كولې شي . د دې د لارې به د خريدارې په اړه د ټولنې كمزور طبقو ته د حكومت لخوا نېغ په نېغه سبسډي وركولې شي. ده ووئيل د حكومتي سبسډې مقصد د ټولنې د كمزورې طبقې مالي مرسته ده چې دغسې د ګرانې بوج په دوي تر ممكنه حده كم كړے شي. ده هدايت وكړو چې وړه بنيادي ضرورت دے او د دې په ډېر او مناسب مقدار كښې شتون باوري كړئ۔وزيراعظم ووئيل د غنمو ضروريات تر مخه د حكومتي او نجي څانګې لخوا دې په سباٶن كښې د غنمو د درآمد پرېكړې په وخت وكړې شي۔وزيراعظم ته د چينو په بيعه كښې د كمي په اړه د تجويز شوو اقداماتو په اړه بريفنګ وركړے شو۔غونډې ته ووئيل شول د رمضان مياشتې لپاره د 7 اربه روپو د رمضان پیكج منظوري وركړې شوې۔وزيراعظم ته په نړيواله منډۍ كښې د پیټروليم مصنوعاتو د بيعو په اړه هم بريفنګ وركړے شو۔وزيراعظم ووئيل عام وګړي او په خاص توګه كمزورې طبقې ته هر ډول ممكنه رېليف وركولو لپاره دې هڅې زياتې كړے شي۔
