اسلام آباد 26 دسمبر (اے پي پي) نګران وزیراعظم انوار الحق کاکړ وئيلي دي په خېبر پښتونخوا كښې د نوو ضم شوو ضلعو پرمختګ ،ښېګرې او سوكالۍ له به وفاقی حکومت د محدود وسائلو باوجود د صوبائی حکومت هر ممکن مرسته كوي، د صوبې اولس د ترهه ګرۍ په ضد بلها قربانۍ وركړې دي، د صوبې مالي مسائل حل کولو له دې يوه سیکریټیریل کمېټی جوړه كړې شي كومه به چې د نیټ هائیډل پرافټس او تیل او ګاز رائلټی ادائیګۍ په اړه سفارشات مرتب کوي، خېبر میډیکل کالج پېښور او ایوب میډیکل کالج ایبټ آباد له د پوهنتون درجه وركولو لپاره دې كار تند كړے شي۔د وزیراعظم آفس میډیا ونګ د اړخه د نهې په ورځ جاري شوي پریس ریلیز له مخې نګران وزیراعظم انوار الحق کاکړ په مشرۍ كښې د خېبر پښتونخوا چارو په اړه مهمه غونډه وشوه۔د غونډې ګډون كوونكو سره خبرو كښې نګران وزیراعظم ووئيل په خېبر پښتونخوا كښې د نوو ضم شوو ضلعو پرمختګ ،ښېګرې او سوكالۍ له به وفاقی حکومت د محدود وسائلو باوجود د صوبائی حکومت هر ممکن مرسته كوي۔ده ووئيل د خېبر پښتونخوا مسائلو څخه خبر يو، مونږ د خېبر پښتونخوا حکومت او اولس سره ولاړ يو۔نګران وزیراعظم د صوبه خېبر پښتونخوا مالی مسائل په سمدستي توګه د حل كولو سپارښتنه كولو سره ووئيل د دې صوبې اولس د ترهه ګرۍ په ضد بلها قربانۍ وركړي۔نګران وزیراعظم سپارښتنه وكړه چې د صوبې مالی وسائل حل کولو له دې يوه سیکریټیریل کمېټی جوړه كړې شي كومه به چې د نیټ هائیډل پرافټس او تیل او ګاز رائلټی ادائیګۍ په اړه سفارشات مرتب كوي۔ د کمېټۍ مشري به د خزاني وفاقی سیکرټري كوي دغسې په نورو غړو كښې به د منصوبه بندۍ وفاقي سیکرټري ، د اوبو وسائلو وفاقي سیکرټري او د پټرولیم وفاقي سیکرټري شامل وي۔نګران وزیراعظم سپارښتنه وكړه چې خېبر میډیکل کالج پېښور او ایوب میډیکل کالج ایبټ آباد له د پوهنتون درجه وركولو لپاره كار تند كړئ۔په غونډه كښې د خزاني نګران وفاقی وزیري ډاکټر شمشاد اختر ، د توان نګران وفاقی وزیر محمد علي ، د قانون او آوبو وسائلو نګران وفاقی وزیر احمد عرفان اسلم ، د خېبر پښتونخوا نګران وزیر اعلیٰ جسټس ریټائرډ ارشد حسین شاہ ، د خزاني نګران صوبائی وزیر احمد رسول بنګش، د نوو ضم شوو ضلعو نګران صوبائی وزیر عامر عبداللہ ، چیئرمېن ايف بي آر ، چیئرمین واپډا او اړوندو اعلیٰ سرکاري افسرانو ګډون كولو
