اسلام آباد۔12نومبر (اے پی پی) اسلام آباد اتے راولپنڈی اچ ودھدی ہوئی سموگ اتے فضائی آلودگی نال نبڑݨ کیتے وفاقی وزیر برائے منصوبہ بندی، ترقی و اصلاحات احسن اقبال دی صدارت اہم اجلاس تھیا۔ اجلاس اچ عالمی بینک، پنجاب پلاننگ اینڈ ڈویلپمنٹ ڈیپارٹمنٹ، نیشنل ڈیزاسٹر رسک مینجمنٹ فنڈ، وزارت ماحولیات دے ڈی جی، آئی ایف اے ڈی دے کنٹری ڈائریکٹر، ممبر پلاننگ ماحولیات، ماحولیاتی تحفظ ایجنسی، سول سوسائٹی، این ڈی ایم اے اتے سارے صوبیاں دے پاکستان انوائرمینٹل پروٹیکشن ایجنسی دے نمائندے اتے اعلیٰ حکام شریک تھیے۔ احسن اقبال سموگ مکاوݨ اتے اوندی نال پیدا تھیوݨ آلی صورتحال تے تشویش کیتی اتے آکھیا جو اساکوں ہݨ اینکوں ایمرجنسی دے طور ڳھنݨ ضروری اے۔ وفاقی وزیر زور ݙتا جو ایں چیلنج نال نبڑݨ کیتے قومی سطح تے کٹھا تھی تے کم کرݨ دی لوڑھ اے۔ حکومت دے فائیو ای پلان اچ ماحولیات کوں خصوصی توجہ ݙتی ڳئی اے۔ اجلاس اچ وفاقی تے صوبائی ادارے، اکیڈمیا اتے ٻئے متعلقہ سٹیک ہولڈرز وچال حکومت عملی دی لوڑھ تے زور ݙتا ڳئیا۔ وفاقی وزیر آکھیا جو گلگت بلتستان سویں صاف تے شفاف علاقے وی ہݨ فضائی آلودگی دا شکار تھیندے پئن۔
